TALABALARDA AXLOQIY MADANIYATNI SHAKLLANTIRISHNING ILMIY PEDAGOGIK JIHATLARI

Аннотация

Ushbu maqolaning asl mazmun-mohiyati talabalarda axloqiy madaniyatni shakllantirishning ilmiy pedagogik jihatlarini ochib berishga qaratilgan.  Maqolada ma’naviy-axloqiy madaniyat va uning tarkibiy qismlariga ta’riflar keltirilgan, ya’ni odob, xulq, axloq, axloqiy tarbiya va madaniyat tushunchalarining ma’nosi ochib berilgan.  Shuningdek, shaxs axloqiy madaniyati axloqiy ongning rivojlanganligi, axloqiy dunyoqarashning yuqoriligi, axloqiy sifatlarning mukammalligi va axloqiy sifatlarni yuzaga chiqarish, axloq tamoyillari va me’yorlariga rioya qilish kabi  tuzilmalardan iborat ekanligi va ular nimalarda namoyon bo’lishi yoritilgan. Axloqiy madaniyat tushunchasining mazmun-mohiyatini nazariy jihatdan chuqur anglash, uning jamiyat madaniy hayoti va shaxs ma’naviy kamolotidagi o’rni va ahamiyatini tushunish har qachongidan ham muhim bo’lib bormoqda. Shunga asoslangan holda, maqolada dars jarayonida talabalarda xulq madaniyatini shakllantirishga ijobiy ta’sir etadigan vositalar hamda ularning qanday natijalarni ifoda etishlariga ham alohida to’xtalib o’tilgan. Chin ma’nodagi axloqiy madaniyatga ega bo’lgan inson, u har qanday soha egasi bo’lishidan qat’iy nazar yurtining  ravnaqi, xalqining kelajagiga befarq qaray olmaydi.  Ushbu maqola aynan mana shu mazmun-mohiyatni ochib berishga qaratilgan.